Hjálparsímum Lundar stolið

Hjálparsímum hjá forvarnaverkefninu Lundi var stolið í gærdag. Erlingur Jónsson, sem veitir Lundi forstöðu, sagðist í samtali við Víkurfréttir að hann hafi skilið tvo farsíma sína eftir úti í ólæstum bíl á meðan hann skaust inn í hús í Keflavík í 10 mínútur. Þegar hann kom út aftur var búið að stela báðum símunum.

Erlingur sagðist vera að vinna í því að fá nýja síma og virkja símanúmer Lundar í þeim.

Hann hvetur fólk til að skilja ekki verðmæti eftir í bílum og alls ekki að skilja bíla eftir ólæsta. Í hans tilviki hafi það verið 10 mínútur en þjófar þurfa aðeins örfáar sekúndur til að láta mikil verðmæti hverfa en margir er með fulla bíla að jólagjöfum þessa dagana.

Myndin: Erlingur Jónsson vinnur nú í því að fá nýja síma og láta opna símanúmerin á nýjum símakortum.