Hiti 3-7 stig í dag

Í morgun kl. 6 var norðaustan og norðanátt, víða 10-15 m/s. Skúrir eða slydduél norðaustantil, en annars víða léttskýjað. Hiti var 0 til 5 stig, en sum staðar vægt frost í innsveitum.

Veðurhorfur á landinu næsta sólarhring: Norðanátt, víða 8-13 m/s fram yfir hádegi, en síðan hægari um vestanvert landið. Skúrir eða slydduél á Norðaustur- og Austurlandi, en úrkomulítið síðdegis. Annars yfirleitt bjartviðri eða heiðskírt. Hiti 1 til 8 stig, kaldast norðanlands. Vaxandi suðvestanátt og þykknar upp norðvestantil í kvöld, 10-15 og dálítið súld í nótt, en léttir til austanlands. Suðvestan 13-18 m/s norðan- og vestantil á morgun og súld eða rigning, en hægari suðaustan- og austantil og skýjað með köflum. Hlýnandi veður og hiti 5 til 11 stig síðdegis.
Veðurhorfur við Faxaflóa næsta sólarhring: Norðaustan 8-13 m/s og léttskýjað, en norðan og norðvestan 3-8 síðdegis. Suðvestan 3-8 og skýjað með köflum í kvöld. Hiti 3 til 7 stig.