Hiti 0-6 stig í dag

Spáð er suðvestan 10-15 m/s austanlands í fyrstu og úrkomulítið, en fremur hæg suðvestlæg átt í dag og léttir til. Suðvestan og vestan 5-13 m/s annars staðar, hvassast norðvestantil, skýjað með köflum og skúrir eða él, einkum um vestanvert landið. Kólnandi veður og hiti víða 0 til 6 stig í dag. Veðurhorfur við Faxaflóa næsta sólarhring: Vestan 5-10 m/s, en suðvestan 8-13 um hádegi. Skýjað með köflum og él eða skúrir. Suðlægari átt, 5-10 í nótt og úrkomulítið. Hiti 0 til 5 stig, en vægt frost inn til landsins í nótt.

Veðurhorfur á höfuðborgarsvæðinu næsta sólarhring: Vestan 3-8 m/s, en suðvestan 5-10 um hádegi. Skýjað með köflum og slydduél eða skúrir. Suðlægari átt í kvöld og úrkomulítið. Hiti 0 til 5 stig.