Hitablásari kveikti eld

Slökkviliðið í Grindavík var kallað út um klukkan 7:30 síðastliðinn sunnudagsmorgun vegna elds í einbýlishúsi í bænum. Íbúar hússins voru komnir út þegar slökkvilið bar að og engan sakaði. Eldur hafði kviknað út frá rafmagnshitablásara sem var verið að nota til að þurrka bækur. Greiðlega gekk að slökkva eldinn og var húsið reykræst, segir á vef Grindavíkurbæjar.