Hestar fangaðir með gulum plastborðum!

Verkefni lögreglunnar eru fjölbreytt. Seint í gærkvöldi var nær allt tiltækt lögreglulið í Keflavík kallað að Heiðarholti, þar sem tvö hross gengu laus og voru að gæða sér á gómsætu grasi við fjölbýlishúsin í hverfinu. Lögreglukona kom böndum á hestana. Notast var við gula plastborða, sem aðallega eru notaðir þegar girða þarf af vettvang og loka fyrir almenningi. Hestunum var komið á ný í beitarhólf, sem þeir höfðu yfirgefið neðan við Grófina í Keflavík.
VF-mynd: Hilmar Bragi Bárðarson