Heimagerður flugeldur sprakk í hendi drengs
- Landhelgisgæslan eyddi þeim heimagerðu flugeldum sem eftir voru
Drengur á unglingsaldri slasaðist á hendi á nýárskvöld þegar heimagerður flugeldur sprakk í hendi hans. Hann var fluttur á Heilbrigðisstofnun Suðurnesja og reyndist hafa hlotið annars stigs bruna. Fleiri heimagerðar sprengjur reyndust vera til staðar og komu aðstandendur piltsins þeim á lögreglustöðina í Reykjanesbæ. Landhelgisgæslan sá svo um að eyða þeim. Barnaverndarnefnd var tilkynnt um málið vegna ungs aldurs piltsins.
