Heildaraflinn í apríl nam 7,643 tonnum

Heildaraflinn á Suðurnesjum var 7,643 tonn í apríl. Það er minni afli ef miðað er við sama mánuð í fyrra þegar heildaraflinn var 8,397 tonn.
Þorkaflinn í Suðurnesjahöfnum nam 3,760 tonnum í apríl en var 3821 tonn í sama mánuði í fyrra. Ýsuaflinn  dregst einnig saman, var 1,456 tonn nú í apríl en 1,751 tonn í apríl 2006. Þetta kemur fram í tölum frá Fiskistofu.

Þorskaflinn í Grindavík nam 1,948 tonnum í síðasta mánuði og 950 tonnum var landað af ýsu. Í Sandgerði var þorskaflinn 1,543 tonn og ýsuaflinn 495 tonn.  Af heildaraflanum á Suðurnesjum var 6,130 tonnum landað í Grindavík.

VF-mynd:elg