Heilbrigðisstofnun með læknaþjónustu á Nesvöllum

Hrafnista og Heilbrigðisstofnun Suðurnesja hafa undirritað samstarfssamning sem felur í sér að læknar heilbrigðisstofnunarinnar munu annast alla læknisþjónustu við heimilisfólk og þjónustuþega Hrafnistu á Nesvöllum og Hlévangi í Reykjanesbæ.

Samningurinn hefur þegar tekið gildi en alls er um að ræða þjónustu við 90 íbúa heimilanna.