Heilbrigðiseftirlit áminnir Olís í Grindavík fyrir margvísleg brot

Fulltrúi Heilbrigðiseftirlits Suðurnesja kynnti samskipti Heilbrigðiseftirlits Suðurnesja við Olíuverzlun Íslands hf. vegna stöðvar fyrirtækisins í Grindavík á síðasta fundi Heilbrigðisnefndar, sem haldinn var á miðvikudag.
Heilbrigðisnefnd áminnir Olíuverzlun Íslands hf. fyrir margvísleg brot á reglugerð nr. 35/1994 um varnir gegn olíumengun  frá starfsemi í landi. Á fundinum var heilbrigðisfulltrúa falið að koma áminningunni á framfæri við fyrirtækið.