Hausthátíð Varnarliðsins á laugardaginn

Árleg hausthátíð varnarliðsins verður haldin á Keflavíkurflugvelli laugardaginn 4. október n.k. Hátíðin er með "karnival" - sniði og fer fram í stóra flugskýlinu næst vatnstanki vallarins frá klukkan ellefu að morgni til þrjú síðdegis. Í boði verður fjölbreytt skemmtun fyrir alla fjölskylduna - lifandi tónlist, þrautir, leikir, matur og hressing og sýningar af ýmsu tagi,. Þá verða flugvélar og annar búnaður varnarliðsins til sýnis á svæðinu.

Aðgangur er ókeypis og allir velkomnir. Umferð er um Grænáshlið ofan Njarðvíkur. Gestir eru vinsamlega beðnir að hafa ekki með sér hunda.