Hassburðardýr í haldi í Keflavík

Tveir menn, Þjóðverji og Breti, hafa verið úrskurðaðir í þriggja vikna gæsluvarðhald, en þeir eru taldir hafa í sameiningu reynt að smygla um þremur kílóum af hassi hingað til lands frá Barcelona. Báðir eru mennirnir búsettir á Spáni.Mennirnir voru handteknir á Keflavíkurflugvelli á laugardagskvöld en efnið fannst í farangri annars þeirra. Ekki er fráleitt að ætla að mennirnir séu burðardýr, það er að þeir hafi tekið að sér að flytja efnið hingað til lands gegn greiðslu.

RÚV greindi frá.