Hass og alsæla um helgina

Lögreglan í Keflavík upplýsti eitt fíkniefnamál sl. föstudagskvöld og annað mál, sem kom upp sama kvöld, er enn í rannsókn.
Lögreglan stöðvaði bifreið vegna rökstudds gruns um að þar væru fíkniefni og leitaði bæði í bílnum og á fólkinu sem í honum var. Í framhaldinu voru tveir aðilar á þrítugsaldri handteknir og yfirheyrðir á lögreglustöðinni í Keflavík. Málið telst að fullu upplýst.
Síðar um kvöldið handtók lögreglan karlmann sem var einn á gangi í Reykjanesbæ. Á honum fannst tafla sem talin er vera alsæla eða ecstasy. Málið er í rannsókn.