Harður árekstur þegar ökumaður virti ekki stöðvunarskyldu
Harður árekstur varð í umdæmi Lögreglunnar á Suðurnesjum um helgina þegar ökumaður bifreiðar virti ekki stöðvunarskyldu við Flugvallarbraut með þeim afleiðingum að hann ók í veg fyrir aðra bifreið. Ökumaður hinnar síðarnefndu fékk skurð á ennið og var fluttur á Heilbrigðisstofnun Suðurnesja til aðhlynningar.
Báðar bifreiðirnar voru óökufærar eftir áreksturinn og voru fjarlægðar með dráttarbifreið.
