Harðneitaði að fara í sjúkrabíl eftir 100 mílur á sjó!

Björgunarskipið Hannes Þ. Hafstein fór í langan björgunarleiðangur um páskana. Björgunarskipið fór til móts við togarann Pólar Siglir kl. 16 á sunnudag og mættust skipin 107 sjómílur suðvestur af Sandgerði.Þar var veikur grænlenskur sjómaður fluttur yfir í björgunarskipið og gekk það mjög vel og kom Hannes Þ. Hafstein aftur til Sandgerðis kl. 09 á mánudagsmorgun.
Það væri ekki í frásögur færandi nema að grænlendingurinn harðneitaði að fara í sjúkrabíl og varð að kalla til lögreglu til að flytja manninn undir læknishendur. Ekki fer sögum af því hvernig læknisheimsóknin endaði.