Handverkskonur sýna verk sín í Kastalanum

Handverkskonur á Suðurnesjum hafa hreint ekki setið með hendur í skauti undanfarnar vikur og mánuði og sést það vel þegar komið er inn í Kastalann á Hafnargötu. Þar má annars vegar sjá muni unna í keramik og gler en hins vegar eru prjónavörur af ýmsum gerðum.

 

Listakonurnar voru kátar í bragði þegar ljósmyndara Víkurfrétta bar að og sögðu daginn hafa byrjað vel, en þær ættu ekki von á því að aðsóknin tæki við sér af alvöru fyrr en á morgun.