HANDSAMAÐI ÞJÓF
Kaupmaðurinn í raftækjaversluninni Sónar við Hafnargötu í Keflavík handsamaði bíræfinn þjóf uppá sitt einsdæmi s.l. þriðjudag. Maður á milli þrítugs og fertugs kom inní búðina, hrifsaði myndbandstæki úr hillu verslunarinnar og tók síðan á rás út úr búðinni með tækið í fanginu. Kauðmaðurinn fótfrái elti þjófinn uppi og tók af honum myndbandstækið. Ljóst er að herra Fingralangur hefur setið yfir dagskrá Ríkissjónvarpsins það kvöldið.
