Hálkublettir og hvassviðri á Reykjanesbraut
Lögreglan ánægð með samstarf við björgunarsveitir í gær.
Hvasst er á Reykjanesbraut, 12 metrar á sekúndu og hálkublettir víða. Ökumenn hafa í morgun langflestir haldið sig á hægri akreinum þar sem brautin er tvöföld og sýnt aðgát.
Í tilkynningu á Facebook síðu Lögreglunnar á Suðurnesjum segir að varla hafi farið framhjá nokkrum að veðurfar hafði talsverð áhrif á samgöngur á Suðurnesjum í gær. „Allt fór vel að lokum og þökkum við björgunarsveitum á Suðurnesjum kærlega fyrir þeirra vinnu. Gott samstarf lögreglu við björgunarsveitir er gulls ígildi.“
