Halda kynningarfund vegna starfsleyfis Thorsil ehf

Umhverfisstofnun mun halda kynningarfund vegna starfsleyfisumsóknar Thorsil ehf í næstu viku. Stofnunin er nú með í auglýsingu tillögu að starfsleyfi fyrir fyrirtækið til að framleiða allt að 110.000 af hrákísli á ári. Reksturinn á að fara fram í Helguvík.

Tillaga að starfsleyfi er auglýst  á tímabilinu 28. maí til 23. júlí 2015. Auglýsta tillögu má finna á vef Umhverfisstofnunar www.ust.is

Kynningarfundurinn fer fram í Duushúsum í Reykjanesbæ þann 24. júní næstkomandi kl: 17:00 og eru íbúar og aðrir áhugasamir eru hvattir til að mæta, segir í tilkynningu stofnunarinnar.