Hagnaður Sparisjóðsins í Keflavík 170 milljónir króna

Hagnaður Sparisjóðsins í Keflavík fyrir árið 2001 nam 170,2 m.kr. króna samanborið við 123,5 m. kr. árið áður sem er um 38% aukning á milli ára. Arðsemi eigin fjár var 11,2% árið 2001.Í rekstraráætlun fyrir árið 2002 er gert ráð fyrir sambærilegri rekstrarafkomu.

Vaxtatekjur Sparisjóðsins námu á árinu 2.259 m.kr. og vaxtagjöld 1.657 m.kr. Hreinar vaxtatekjur námu því 602 m.kr. samanborið við 502 m.kr. árið 2000. Vaxtamunur, þ.e. hreinar vaxtatekjur í hlutfalli af meðalstöðu fjármagns var 3,82% á móti 3,86 árið 2000. Aðrar rekstrartekjur voru 326 m.kr. á árinu.

Rekstrarkostnaður nam alls 637 m.kr. og jókst um 14% frá fyrra ári. Laun og launatengd gjöld jukust um 13% en annar almennur rekstrarkostnaður um 16%. Rekstrarkostnaður sem hlutfall af niðurstöðu efnahagsreiknings var 3,76% en var 3,84% árið áður. Kostnaðarhlutfall árið 2001 var 68,7% á móti 67,8 árið áður.

Framlag í afskriftareikning útlána var 160 m.kr. árið 2001 en var 87 m.kr. árið áður. Sem hlutfall af niðurstöðu efnahagsreiknings var framlagið 0,94% en var 0,60% árið áður.

Heildarinnlán í Sparisjóðnum í árslok 2001 ásamt lántöku námu um síðustu áramót 11.926 m.kr. Þannig jukust innlán um 890 m.kr. eða um 8,07%.

Útlán Sparisjóðsins ásamt markaðsskuldabréfum námu 14.506 m.kr. í árslok 2001 og höfðu aukist um 2.711 m.kr. eða um 22,98%.

Í árslok var niðurstöðutala efnahagsreiknings 16.938 m.kr. og hafði hún hækkað á árinu um 2.361 m.kr. eða 16,2%. Eigið fé Sparisjóðsins í árslok nam 1.742 m.kr. og hefur eigið fé aukist um 220 m.kr. eða 14,5%. Eiginfjárhlutfall Sparisjóðsins samkvæmt CAD-reglum er 11,35% en var 10,68% árið áður.

Í lok árs var stofnfé 600 m.kr. króna að nafnvirði og dreifðist það niður á 551 aðila.