Hafa veitt rúmlega 500 tonn af sandkola úr Garðssjónum á aðeins tveimur vikum
Mjög góð sandkolaveiði hefur verið hjá bátum sem stunda veiðar í sunnanverðum Faxaflóa nú á kolavertíðinni sem hófst 1. september. Að sögn Karls Ólafssonar, skipstjóra á Erni KE 14, er nú búið að veiða rúmlega 500 tonn af sandkola úr Garðssjónum einum og mikið er eftir af veiðistöðum sem ekkert hefur verið farið á. Interseafood.com greindi frá.
Veiðarnar í Bugtinni snúast um að treina rauðsprettukvótann og nýta sandkolakvótann sem best. Um leið og rauðsprettukvóti bátanna er veiddur verða þeir að fara út úr Bugtinni en þá skerðist möguleiki þeirra til veiða á sandkola verulega.
„Vertíðarbyrjunin nú er ótrúlega góð. Við erum búnir að fara í átta veiðiferðir og erum komnir með 75 tonn af kola og uppistaða aflans er sandkoli. Við fórum eina ferð norður að Snæfellsnesi til að veiða rauðsprettu og það gekk vel því aflinn varð sex tonn af stórri og góðri rauðsprettu“, segir Karl en hann upplýsir að mesti afli bátsins í einum róðri hafi verið 18,5 tonn.
Gjörbreyttar aðstæður í sjónum
Vertíðin í Bugtinni hófst 15. júlí ár hvert um margra ára skeið en eftir að rauðsprettustofninum hnignaði og verulega dró úr veiði á sandkola þá var ákveðið að seinka vertíðarbyrjuninni. Í fyrra hóft vertíðin 15. ágúst en núna var byrjað 1. september.
„Aflabrögðin nú eru tíu sinnum betri en á sama tíma í fyrra og það er verulegur munur á því hve víða verður vart við sandkolann. Við þorum varla að eltast sérstaklega við rauðsprettuna en þó fáum við alltaf 300 til 700 kíló í róðri. Í fyrra var veiðin afmörkuð á litlum blettum og hún var mjög fljót að þorna upp en núna fáum við góðan afla mjög víða og ástand stofnsins virðist vera gott. Sömuleiðis virðist ástandið á rauðsprettunni vera betra en mörg undanfarin ár“, segir Karl en hann tiltekur einkum tvö atriði sem hann telur að valdi þessari breytingu frá því í fyrra.
„Við erum með sjávarhitamæli og hitastigið nú er um 11°C en á sama tíma í fyrra var það 14°C. Ég held að kolinn hafi flúið þennan hita og sömuleiðis þörungablómann sem fylgdi þessum hlýja sjó. Við fengum voðina alltaf upp drulluskítuga af þörungum en nú er netið tandurhreint. Þá held ég að það skipti miklu máli að við fengum loksins góða loðnugöngu inn í Faxaflóann. Það er áberandi hve sandkolinn hefur stækkað mikið á milli ára. Núna fer allur aflinn í tvo stærstu flokkana hjá okkur og fyrir stærsta sandkolann, yfir 400 grömmum, fáum við núna 95 kr/kg hjá fiskvinnslunni Suðurnesjum“, segir Karl Ólafsson.
Veiðarnar í Bugtinni snúast um að treina rauðsprettukvótann og nýta sandkolakvótann sem best. Um leið og rauðsprettukvóti bátanna er veiddur verða þeir að fara út úr Bugtinni en þá skerðist möguleiki þeirra til veiða á sandkola verulega.
„Vertíðarbyrjunin nú er ótrúlega góð. Við erum búnir að fara í átta veiðiferðir og erum komnir með 75 tonn af kola og uppistaða aflans er sandkoli. Við fórum eina ferð norður að Snæfellsnesi til að veiða rauðsprettu og það gekk vel því aflinn varð sex tonn af stórri og góðri rauðsprettu“, segir Karl en hann upplýsir að mesti afli bátsins í einum róðri hafi verið 18,5 tonn.
Gjörbreyttar aðstæður í sjónum
Vertíðin í Bugtinni hófst 15. júlí ár hvert um margra ára skeið en eftir að rauðsprettustofninum hnignaði og verulega dró úr veiði á sandkola þá var ákveðið að seinka vertíðarbyrjuninni. Í fyrra hóft vertíðin 15. ágúst en núna var byrjað 1. september.
„Aflabrögðin nú eru tíu sinnum betri en á sama tíma í fyrra og það er verulegur munur á því hve víða verður vart við sandkolann. Við þorum varla að eltast sérstaklega við rauðsprettuna en þó fáum við alltaf 300 til 700 kíló í róðri. Í fyrra var veiðin afmörkuð á litlum blettum og hún var mjög fljót að þorna upp en núna fáum við góðan afla mjög víða og ástand stofnsins virðist vera gott. Sömuleiðis virðist ástandið á rauðsprettunni vera betra en mörg undanfarin ár“, segir Karl en hann tiltekur einkum tvö atriði sem hann telur að valdi þessari breytingu frá því í fyrra.
„Við erum með sjávarhitamæli og hitastigið nú er um 11°C en á sama tíma í fyrra var það 14°C. Ég held að kolinn hafi flúið þennan hita og sömuleiðis þörungablómann sem fylgdi þessum hlýja sjó. Við fengum voðina alltaf upp drulluskítuga af þörungum en nú er netið tandurhreint. Þá held ég að það skipti miklu máli að við fengum loksins góða loðnugöngu inn í Faxaflóann. Það er áberandi hve sandkolinn hefur stækkað mikið á milli ára. Núna fer allur aflinn í tvo stærstu flokkana hjá okkur og fyrir stærsta sandkolann, yfir 400 grömmum, fáum við núna 95 kr/kg hjá fiskvinnslunni Suðurnesjum“, segir Karl Ólafsson.
