HÆTTULEGT BIÐSKÝLI Í INNRI NJARÐVÍK
Framkvæmda- og tækniráð Reykjanesbæjar lagði til á fundi sínum 11.janúar s.l. að biðskýlið sunnan við Seylugötu í Innri Njarðvík yrði aflagt. Ráðið telur staðsetninguna hættulega vegna umferðarinnar sem þar er og stingur uppá að nýtt biðskýli verði sett við Akurbraut í staðinn. Tæknideild lagði þá til að ný biðstöð verði sett norðan við Seylugötu á móts við vestari gangstíginn frá Háseylu, þar sem vegalengdin frá efstu byggð Háseylu og að Akurbraut er rúmir 300 metrar. Framkvæmda- og tækniráð samþykkti tillögu Tæknideildar.
