Hækka ekki laun samkvæmt ákvörðun Kjararáðs
- Samþykkt á fundi bæjarráðs Reykjanesbæjar
Bæjarráð Reykjanesbæjar samþykkti á fundi sínum 17. nóvember síðastliðinn að taka ekki hækkun launa samkvæmt ákvörðun Kjararáðs. Í fundargerð bæjarráðs kemur fram að það ætlist til að Alþingi taki málið fyrir og endurskoði ákvörðun Kjararáðs. Málinu var frestað þar til niðurstaða Alþingis liggur fyrir.
Laun kjörinna bæjarfulltrúa hafa víða tekið mið af þingfararkaupi. Kjararáð ákvað á dögunum að þingfararkaup myndi hækka úr 763 þúsundum í 1,1 milljón á mánuði.
