Hægviðri og léttskýjað í dag

Á Garðskagavita voru NNA 10 og 7 stiga hiti kl. 10.
Klukkan 9 var norðlæg átt á landinu, víða 3-8 m/s. Léttskýjað að mestu á Suður- og Vesturlandi, en annars staðar skýjað og dálítil væta norðaustanlands. Hiti 1 til 9 stig, hæst á Fagurhólsmýri.

Veðurhorfur við Faxaflóa til kl. 18 á morgun:
Hægviðri og léttskýjað. Sunnan 3-5 í nótt og á morgun, þykknar upp og dálítil súld undir kvöld. Hiti 4 til 10 stig.

Veðurhorfur á landinu til kl. 18 á morgun:
Hæg norðlæg eða breytileg átt. Léttskýjað sunnan- og vestanlands, en stöku skúrir allra syðst síðdegis. Skýjað og víða þokusúld í fyrstu norðan- og austantil, en léttir til seinni partinn. Hæg suðlæg átt á morgun og víða bjartviðri norðan-, og austanlands, en þykknar upp sunnan- og vestantil og súld með köflum, einkum síðla dags. Hiti 5 til 11 stig, en í kringum frostamark í nótt, svalast norðaustantil.