Hægt vaxandi norðanátt á morgun

Á Garðskagavita voru S 5 og 5.4 stiga hiti kl. 9.
Klukkan 6 í morgun var fremur hæg vestlæg eða breytileg átt. Skýjað með köflum eða léttskýjað. Hiti 0 til 3 stig sunnanlands, en 2 til 8 stiga frost norðanlands, kaldast á Raufarhöfn.

Veðurhorfur við Faxaflóa næsta sólarhringinn:
Vestan og síðan suðvestan 3-8 og skúrir eða slydduél. Hægt vaxandi norðanátt á morgun og bjartviðri. Hiti 0 til 6 stig, en víða næturfrost.

Veðurhorfur til kl. 18 á morgun:

Suðvestan 5-10 er líður á morguninn með smáéljum eða skúrum um landið vestanvert, en bjartviðri að mestu eystra. Norðan 5-10 á morgun, stöku él norðanlands en bjartviðri syðra. Hiti 1 til 6 stig sunnanlands en vægt frost norðanlands í dag en kaldara í nótt og á morgun.

Mynd: Við sjávarsíðuna í Keflavík. VF-mynd: elg