Hæglætisveður í dag en hætta á smá skúrum

Klukkan 6 var sunnan- og suðaustanátt, víða 3-8 m/s og rigning eða skúrir, en þurrt og bjart veður á Norður- og Norðausturlandi. Hiti 3 til 11 stig, mildast austanlands.

Veðurhorfur á landinu til kl. 18 í dag:
Austlæg eða breytileg átt, víða 3-8 m/s. Skúrir sunnan- og vestanlands, rigning austantil en úrkomulítið á Norðurlandi. Suðvestan 8-13 m/s og léttir til austanlands síðdegis og í kvöld, en hægari vindur og skúrir í öðrum landshlutum, einkum suðvestan- og vestanlands. Hiti 7 til 15 stig.