Hæglætisveður í dag

Klukkan 9 var suðvestlæg átt, 8-13 m/s norðvestantil en annars hægari. Á austanverðu landinu var léttskýjað, en sums staðar skúrir vestantil. Hlýjast var 6 stiga hiti í Grindavík og á Dalatanga, en kaldast 3ja stiga frost á Grímsstöðum.

Veðurhorfur á landinu til kl.18 á morgun:
Sunnan og suðvestan 5-13 m/s og dálítil rigning eða skúrir, en léttskýjað á Norðaustur- og Austurlandi. Hiti 0 til 7 stig. Vaxandi sunnanátt í kvöld og nótt, 15-20 m/s norðvestanlands á morgun en heldur hægari annars staðar. Skýjað og súld eða rigning sunnan- og vestantil á landinu. Hiti víða 5 til 10 stig.