Hæg vestanátt og léttskýað í dag

Á Keflavíkurflugvelli var vestanát, 3 m/s, skýjað og 7 stiga hiti klukkan 9.
Á Garðskagavita voru vestan 2 m/s og 9 stiga hiti.

Klukkan 6 í morgun var fremur hæg norðvestlæg átt á landinu og yfirleitt bjartviðri. Kaldast var 3 stiga frost í Fnjóskadal, en hlýjast 7 stiga hiti á Teigarhorni.

Veðurhorfur við Faxaflóa næsta sólarhringinn:
Vestlæg átt 3-5 m/s og léttskýjað, en sums staðar þokuloft við sjóinn síðdegis. Hægt vaxandi suðaustanátt og þykknar upp á morgun, 8-15 og rigning undir kvöld. Hiti 5 til 12 stig að deginum.

Veðurhorfur á landinu til kl. 18 á morgun: Fremur hæg norðvestan- og vestanátt og víða bjartviðri, en skýjað með köflum norðvestantil og dálítil súld þar um tíma síðdegis og líkur á stöku síðdegisskúrum á Suðausturlandi. Hægt vaxandi suðaustanátt á morgun og þykknar smám saman upp. Suðaustan 8-15 m/s vestantil undir kvöld og fer að rigna. Hiti 5 til 13 stig að deginum, hlýjast á morgun norðanlands.