Hæg suðvestan á morgun

Veðurhorfur fyrir Faxaflóasvæðið næsta sólarhringinn: Sunnan og suðaustan 5-10 m/s og skúrir, en suðvestan 3-8 og dálitlar skúrir á morgun. Hiti 4 til 9 stig.

Veðurhorfur á höfuðborgarsvæðinu:

Suðaustlæg átt, 5-10 m/s og skúrir, en heldur hægari suðvestanátt, skýjað að mestu og dálitlar skúrir á morgun. Hiti 4 til 8 stig.

Veðurhorfur á landinu næstu daga:

Á þriðjudag:
Vestlæg átt, víða 3-8 m/s. Skýjað og dálitlar skúrir, en bjartviðri austanlands. Hiti 1 til 8 stig, hlýjast syðst.

Á miðvikudag:
Hæg suðlæg átt og bjart að mestu norðanlands, en vaxandi austanátt sunnanlands og þykknar upp, 8-13 m/s um kvöldið með rigningu. Hiti 2 til 7 stig, en um eða undir frostmarki fyrir norðan.

Á fimmtudag, föstudag og laugardag:
Austlæg átt og rigning með köflum, en skýjað og þurrt að mestu norðan- og norðvestanlands. Fremur milt í veðri.

Á sunnudag:
Útlit fyrir norðanátt með slyddu eða rigningu, en léttir til suðvestanlands. Kólnandi veður.