Hæg suðlæg átt í dag og hiti allt að 12 stig

Í morgun kl. 6 var suðlæg átt á landinu víðast fremur hæg, en 15 m/s voru á Bergstöðum. Léttskýjað á Austfjörðum. Skýjað annars staðar og yfirleitt þurrt, en dálitlar skúrir voru norðvestantil. Hiti 6 til 14 stig, hlýjast á Eskifirði.

Yfirlit:
Skammt norður af Langanesi er 1006 mb lægð sem þokast norðaustur. Á Grænlandshafi er heldur vaxandi 1002 mb lægð sem hreyfist lítið.

Veðurhorfur á landinu:
Veðurhorfur til kl. 18 á morgun: Fremur hæg suðvestlæg átt og þurrt að mestu um landið vestanvert, en yfirleitt bjart um austanvert landið. Hægviðri í nótt, en gengur í suðaustan og austan 5-10 eftir hádegi á morgun og þykknar upp með dálítilli rigningu allra syðst. Hiti 9 til 17 stig að deginum, hlýjast í innsveitum norðan- og austanlands.

Veðurhorfur við Faxaflóa næsta sólarhringinn:
Fremur hæg suðlæg átt í dag, en austlæg á morgun. Skýjað og yfirleitt þurrt. Hiti 7 til 12 stig.