Hæg suðaustlæg átt

Veðurstofan gerir ráð fyrir hægri suðaustlægri eða breytilegri átt og víða léttskýjað, en stöku skúrir eða él með suður- og austurströndinni. Sunnan 3-8 m/s og þykknar heldur upp vestantil þegar líður á daginn. Suðvestan 5-10 norðantil í nótt og á morgun, en hægari syðra. Skýjað með köflum vestantil og smásúld við ströndina, en bjartviðri austantil á landinu. Hiti 0 til 8 stig að deginum, en víða 1 til 6 stiga frost í innsveitum í nótt, einkum norðaustantil.