Hæg norðlæg átt og skýjað

Klukkan 6 var norðlæg átt, 3-8 m/s, en hæg breytileg átt sunnantil. Skýjað og þurrt að mestu. Hiti var frá 5 stigum á Garðskagavita niður í 3 stiga frost á Rauðanúpi og við Mývatn.

Veðurhorfur við Faxaflóa næsta sólarhringinn:
Hæg norðlæg átt og skýjað með köflum og smáskúrir, en norðaustan 5-10 á morgun og léttskýjað. Hiti 5 til 10 stig.

Yfirlit
Um 600 km S af Reykjanesi er 1000 mb lægð, en 1018 mb hæð er yfir NA-Grænlandi. 700 km ANA af Langanesi er 988 mb lægð sem þokast SV.

Veðurhorfur á landinu:
Veðurhorfur til kl. 18 á morgun: N-læg eða breytileg átt, víða 3-8 m/s, en NV 8-13 við A-ströndina síðdegis. Smáskúrir S-til á landinu, annars skýjað með köflum og úrkomulítið. Heldur ákveðnari N átt á morgun og léttir til SV- og V-lands, en dálítil él fyrir norðan. Hiti 1 til 10 stig, mildast S- og SV-lands.

VF-mynd: elg