Hæg norðanátt og léttskýjað

Á hádegi var norðlæg átt, víða 10-15 m/s en 15-20 við norðausturströndina. Á norðanverðu landinu var snjókoma eða él, en léttskýjað sunnanlands. Frost 0 til 8 stig, kaldast í innsveitum norðaustanlands.

Veðurhorfur á landinu til kl.18 á morgun:
Norðvestan 13-18 m/s og snjókoma norðaustantil á landinu. Heldur hægari norðanátt annars staðar og léttskýjað syðra, en él norðvestanlands. Kólnandi veður. Norðan 10-15 m/s við austurströndina á morgun, en víða 5-10 annars staðar. Él norðaustanlands og einnig á annesjum vestanlands síðdegis, annars víða léttskýjað. Frost 5 til 15 stig, kaldast í innsveitum.