Hæg breytileg átt í dag

Klukkan 6 var hægviðri á landinu. Skýjað að mestu, súld í Strandhöfn og Keflavík en annars þurrt. Hiti 5 til 11 stig, svalast á Brú á Jökuldal, en hlýjast á Neskaupsstað.

Hæg breytileg átt eða hafgola. Skýjað að mestu og dálítil rigning um norðanvert landið síðdegis og austanlands í kvöld. Snýst í hæga norðlæga átt seinni partinn og léttir þá heldur til sunnanlands. Fremur hæg norðlæg átt á morgun, skýjað en þurrt að kalla norðvestantil, dálítil súld með köflum norðaustantil en léttskýjað sunnanlands. Hiti 8 til 17 stig, hlýjast suðaustantil í dag en sunnanlands á morgun.