Hæg breytileg átt

Veðurspá fyrir Faxaflóasvæðið næsta sólarhringinn: Hæg breytileg átt og skýjað með köflum. Snýst í vestan 3-8 seint á morgun og þykknar upp. Hiti 6 til 14 stig.

Veðurhorfur á höfuðborgarsvæðinu:

Hæg norðlæg eða breytileg átt og skýjað með köflum. Vestan 3-8 m/s seint á morgun og þykknar upp. Hiti 5 til 12 stig.

Veðurhorfur á landinu næstu daga:

Á þriðjudag:
Hægviðri og víða léttskýjað, en vestan 3-8 vestanlands undir kvöld og þykknar upp með dálítilli vætu. Hiti 7 til 14 stig yfir daginn.

Á miðvikudag:
Suðvestan 5-10 og víða rigning, en dregur úr úrkomu þegar líður á daginn. Hiti breytist lítið.

Á fimmtudag (uppstigningardagur):
Norðaustlæg eða breytileg átt með skúrum, einkum norðanlands. Heldur kólnandi.

Á föstudag:
Austan- og norðaustanátt með vætu, en þurrt vestanlands. Hiti víða 4-10 stig.

Á laugardag og sunnudag:
Útlit fyrir norðan- og norðaustanátt með rigningu eða jafnvel slyddu, en þurrt á Suður- og Vesturlandi. Svalt í veðri.