Hæg breytileg átt

Á Garðskagavita voru suðaustan þrír og rétt um sjö stiga hiti klukkan átta í morgun

Klukkan sex í morgun var austlæg átt á landinu, 5-10 m/s. Dálítil rigning í Reykjavík og slydduél á Dalatanga, en annars víða skýjað með köflum eða bjartviðri. Hiti 0 til 5 stig á láglendi.

Veðurhorfur við Faxaflóa næsta sólarhringinn:
Hæg breytileg átt, skýjað með köflum og stöku skúrir. Norðaustan 5-10 í kvöld og á morgun og bjartviðri, en hægari vindur inn til landsins. Hiti 4 til 10 stig að deginum.

Veðurhorfur á landinu til kl. 18 á morgun
Hæg austlæg eða breytileg átt. Skýjað með köflum og víða smáskúrir síðdegis. Hiti 5 til 11 stig í dag, en vægt næturfrost norðaustanlands. Norðaustan 3-8 m/s á morgun og slydda eða slydduél norðan- og norðaustanlands, súld með köflum á Suðausturlandi, en lengst af bjartviðri suðvestantil. Htii 1 til 10 stig, hlýjast sunnanlands.