Guðrún P. Ólafsdóttir ráðin sviðsstjóri hjá Vogum
Bæjarstjórn Sveitarfélagsins Voga samþykkti á fundi sínum í gær að ráða Guðrúnu P. Ólafsdóttur í starf sviðsstjóra fjármála-og stjórnsýslusviðs.
Guðrún var valin úr hópi umsækjenda eftir ráðningarferli sem stýrt var af Hagvangi. Alls sótti 21 einstaklingur um starfið.
Guðrún lauk Cand.Oecon gráðu í viðskiptafræði frá Háskóla Íslands með áherslu á fjármál árið 2002 og M.sc gráðu í stjórnun og stefnumótun frá sama skóla árið 2012.
Guðrún hefur starfað við fjármála- og rekstrarstjórnun sl. 10 ár hjá Icepharma en starfaði áður við fjárfestingabankastarfsemi, m.a. við lánastjórn og fyrirtækjaráðgjöf.
„Um leið og við bjóðum Guðrúnu velkomna í hópinn og óskum henni farsældar í starfi er öðrum umsækjendum þakkaður sýndur áhugi og óskað velfarnaðar,“ segir í tilkynningu á vef sveitarfélagsins.
