Guðrún Gísladóttir KE kemur til Keflavíkur um miðja næstu viku
Togskipið Guðrún Gísladóttir KE er væntanlegt til Egersund í Noregi nk. föstudag en þar verða tekin um borð kolmunnatroll og síldartroll auk víra áður stefnan verður tekin heim á leið. Búist er við því að skipið verði komið til landsins um miðja næstu viku.
Guðrún Gísladóttir KE er fyrsta fiskiskipið sem samið var um smíði á fyrir vestrænar útgerðir í Kína og er skipið jafnframt fyrsta sérhannaða skipið til veiða á uppsjávartegundum sem Kínverjar smíða fyrir Vesturlandamarkaðinn.
Ásbjörn H. Árnasonar, framkvæmdastjóri Festi sem gera mun skipið út, segir í samtali við fréttavef InterSeafood.com að heimsiglingin hafi gengið að óskum og hann segist vonast til þess að Guðrún Gísladóttir KE verði komin til Keflavíkur á miðvikudag eða fimmtudag í næstu viku.
Eftir komu Guðrúnar Gísladóttur KE til landsins mun Festi gera út þrjú skip til veiða á loðnu, síld og kolmunna. Auk nýja skipsins eru það skipin Örn KE og Þórshamar GK. Ásbjörn segir engar breytingar ákveðnar á skipastólnum og Þórshamar GK, sem er minnsta skipið af þessum þremur, verði gert út a.m.k. fyrst um sinn.
Guðrún Gísladóttir KE er fyrsta fiskiskipið sem samið var um smíði á fyrir vestrænar útgerðir í Kína og er skipið jafnframt fyrsta sérhannaða skipið til veiða á uppsjávartegundum sem Kínverjar smíða fyrir Vesturlandamarkaðinn.
Ásbjörn H. Árnasonar, framkvæmdastjóri Festi sem gera mun skipið út, segir í samtali við fréttavef InterSeafood.com að heimsiglingin hafi gengið að óskum og hann segist vonast til þess að Guðrún Gísladóttir KE verði komin til Keflavíkur á miðvikudag eða fimmtudag í næstu viku.
Eftir komu Guðrúnar Gísladóttur KE til landsins mun Festi gera út þrjú skip til veiða á loðnu, síld og kolmunna. Auk nýja skipsins eru það skipin Örn KE og Þórshamar GK. Ásbjörn segir engar breytingar ákveðnar á skipastólnum og Þórshamar GK, sem er minnsta skipið af þessum þremur, verði gert út a.m.k. fyrst um sinn.
