Grunar að myglusveppur herji á Hæfingarstöðina
– mikilvægt að brugðist sé fljótt við og notendur og starfsmenn látnir njóta vafans
Grunur er um að myglusveppur herji á húsnæði Hæfingarstöðvarinnar að Hafnargötu 82 í Keflavík. Ráðist var í yfirgripsmiklar framkvæmdir síðasta sumar og haust til að útrýma honum, en svo virðist sem það hafi ekki tekist.
Í ljósi eðlis starfsemi Hæfingarstöðvarinnar er mikilvægt að brugðist sé fljótt við og notendur og starfsmenn látnir njóta vafans. Málið var tekið fyrir á fundi fjölskyldu- og félagsmálaráðs Reykjanesbæjar [FFR] í gær. Þar kom fram að framkvæmdastjóri FFR hafi þegar gert öllum sem málinu tengjast grein fyrir stöðunni.
Fjölskyldu- og félagsmálaráð telur mikilvægt að strax verði settur á laggirnar starfshópur um lausn á húsnæðismálum Hæfingarstöðvarinnar.
