Grjót kastaðist frá flutningabíl og olli skemmdum

Tilkynnt var um tjón á bifreið sem hafði orðið á Reykjanesbraut í gær er grjót kastaðist frá flutningabifreið sem ekið var á undan.
Tveir ökumenn voru kærðir fyrir of hraðan akstur, annar á Reykjanesbraut og hinn á Garðskagavegi. Einn ökumaður var kærður fyrir að nota ekki öryggisbelti.
Einn ökumaður var kærður fyrir að virða ekki þungatakmarkanir á Hafnargötu.