Grindvíkingar taka undir áhyggjur af HSS

Bæjarstjórn Grindavíkurbæjar tekur undir áhyggjur bæjarráðs Sveitarfélagsins Garðs og bæjarstjórnar Reykjanesbæjar af framlögum til heilbrigðisþjónustu á Suðurnesjum.

Bæjarstjórn Grindavíkurbæjar leggur áherslu á að Heilbrigðisstofnun Suðurnesja er hornsteinn heilbrigðisþjónustu á Suðurnesjum og því er réttlætismál að stofnunin fái sambærileg framlög og aðrar heilbrigðisstofnanir um landið, segir m.a. í bókun bæjarstjórnar Grindavíkur.