Grindvíkingar fá ekki sæstreng
Nýr sæstengur sem til stóð að tæki land við Grindavík mun ekki liggja til Íslands. Nýir aðilar hafa komið að verkefninu um lagningu sæstengs milli Írlands og Bandaríkjanna. Hætt hefur verið við áform um að leggja strenginn til Íslands en búnaður til þess verður þó til staðar.
Um er að ræða áform um sama streng og kenndur var við Emerald Express. Nú ber verkefnið heitið AEConnect og samningurinn er á milli írsks og bandarísks fyrirtækis. Kostnaður við lagningu strengsins er áætlaður um 40 milljarðar króna, samkvæmt því sem fram kemur í frétt á mbl.is.
