Grindhvalur í Grindavíkurhöfn!
Þegar hafnarstarfsmenn komu til vinnu 22. ágúst sl. blasti við óvenjuleg sjón því, hvalur um 5 m langur synti í rólegheitum um höfnina og virtist una hag sínum hið besta.Þetta reyndist vera fullorðinn grindhvalur, sem þarna var á ferð og hugsanlega hefur hann verið eitthvað veikur, því sagt er að hvalir sæki í land þegar eitthvað er að. Ekki þótti þessi gestur heppilegur innan hafnar og var því fengið lið vaskra björgunarsveitarmanna til að smala höfnina og fóru þeir á slöngubát og tókst um síðir að koma hvalnum á rétta braut og sást hann síðast synda út rennuna og er vonandi kominn í rétt umhverfi núna.
