Grindavíkurhöfn lokað að hluta vegna tundurdufls

Lögreglan á Suðurnesjum lokaði hluta Grindavíkurhafnar síðastliðinn föstudag þegar Skinney SF 29 lagðist þar að bryggju með tundurdufl innan borðs. Starfsmenn Landhelgisgæslunnar fóru um borð. Áhöfn skipsins yfirgaf það meðan starfsmenn Gæslunnar fjarlægðu sprengikúluna. Ekki var vitað hvort hún væri virk, en Skinney hafði fengið hana í trollið djúpt suður af Eldey þar sem skipið var á humarveiðum.

Landhelgisgæslan hefur þurft að fjarlægja nokkur tundurdufl á síðustu árum. Þetta kom í bát á Suðurnesjum fyrir þremur árum.