Grindavíkurbær vill byggja leiguhúsnæði
Hyggjast stofna húsnæðissjálfseignarstofnun
Grindavíkurbær auglýsir á heimasíðu sinni eftir aðilum sem hafa áhuga á að standa að stofnun húsnæðissjálfseignarstofnunar um byggingu, kaup og rekstur almennra leiguíbúða í Grindavík.
Markmiðið með byggingu þessara íbúða er að bæta húsnæðisöryggi efnaminni fjölskyldna og einstaklinga með því að auka aðgengi að öruggu og viðeigandi íbúðarhúsnæði til leigu. Verði félagið stofnað þá verður það rekið með langtímamarkmið að leiðarljósi og án hagnaðarsjónarmiða, eins og segir í frétt á heimasíðu Grindavíkurbæjar.
