Grindavíkurbær kaupir Saltfisksetrið

Bæjarstjórn Grindavíkur samþykkti á fundi sínum í gærkvöldi að kaupa Hafnargötu 12a, Saltfisksetur Íslands, fyrir 160 milljónir króna. Saltfisksetrið hefur verið rekið sem sjálfseignarstofnun. Það var opnað í september 2002 en Grindavíkurbær ásamt fyrirtækjum í bænum  stóðu að byggingu safnsins sem jafnframt er upplýsingamiðstöð ferðamanna.