Grindavík skoðar Krýsuvík

Jóna Kristín Þorvaldsdóttir, bæjarstjóri í Grindavík, segir að undanfarin misseri hafi verið unnið í landamerkamálum bæjarins í Krýsuvík gagnvart Hafnarfirði. Þetta kemur fram á bæjarmálavef Grindvíkinga. Þar er haft eftir Jónu Kristínu að reynt hafi verið að ná almennri sátt um málið við Hafnfirðinga. Það hafi ekki gengið eftir og því hafi lögformlega leiðin nú verið valin.

Eins og VF greindi frá í vikunni bendir ýmislegt til þess að Grindavík sé eigandi að Seltúni í Krýsuvík en ekki Hafnarfjarðarbær. Erling Einarsson í Grindavík hefur um árabil bent á skekkju í kortagögnum sem styðja tilgátu hans um að landamerki séu ekki rétt.

Sjá frétt VF hér: Eiga Grindvíkingar náttúruauðlindir í Krýsuvík?

---

Ljósmynd/Ellert Grétarsson - Frá Seltúni í Krýsuvík.