Grindavík: Ægisgata malbikuð

Bæjarráð Grindavíkur samþykkti á fundi sínum í gær tilboð Hlaðbæjar Colas í malbikun Ægisgötu að Seljabót. Tilboðið hljóðaði upp á tæpar 5,7 milljónir króna.
Jafnframt samþykkti bæjarráð að fara í endurbætur á enda Hafnargötu við Báruna og vísaði einni og hálfri milljón króna til endurskoðunar fjárhagsáætlunar vegna þess kostnaðar.