Grillað og keppt í þrautum

Margir hafa lagt leið sína að líkamsræktarstöðinni Lífstíl í dag. Ástæðan er sú að hinn árlegi Lífstílsdagur er í dag en þetta er í fjórða sinn sem hann er haldinn. Starfsmenn Lífstíls grilluðu fyrir gangandi vegfarendur sem kunnu að meta pylsuna og gosið í sólinni í dag. Ekki mátti sjá annað á yngri kynslóðinni en að þau skemmtu sér konunglega í allskyns hoppuköstulum. Þeir eldri kepptu í ýmisskonar þrautum og má þá helst nefna bílatog og dauðagöngu eins og hún er kölluð. Mikil stemning er í Reykjanesbæ í dag en töluvert mikið af fólki er niður í bæ að njóta góða veðursins.