Grenndarkynna nýja kirkju á Vatnsleysuströnd
Umhverfis- og skipulagsnefnd Sveitarfélagsins Voga hefur samþykkt að byggingarleyfisumsókn vegna byggingar kirkju að Minna-Knarrarnesi verði grenndarkynnt.
Afgreiðslu umsóknarinnar um byggingarleyfi fyrir kirkju var frestað í sumar en umsækjandi hefur nú lagt fram afstöðuuppdrátt.
Þá hefur verið samþykkt að umsóknin skuli grenndarkynnt fyrir eigendum og íbúum Stóra-Knarrarness I og II, Stóra - Knarrarness I sumarhús og Hellum.
Nefndin áréttar jafnframt að gætt verði að 15 m friðhelgun fornminja skv. umsögn Minjastofnunar dags. 14. mars 2014. Einnig þarf að athuga gólfkóta m.t.t. hækkandi sjávarstöðu sbr. bréf Skipulagsstofnunar 9. maí 2014.
