Gosvirkni fer minnkandi

Gosvirkni heldur áfram en hefur minnkað aðeins síðan í gær. Áfram gýs úr einum gíg og rennur hraunið áfram til austurs og suðausturs og dreifir úr sér á breiðunni innan við 1 km frá gígnum. Lítil eða hæg hreyfing er á ystu hraunjöðrum.

Ákveðinni norðvestanátt er spáð í dag og berst gasmengun þá til suðausturs og er því ekki búist við gasmengun í byggð.

Lítil sem engin gosmóða hefur mælst á landinu í nótt.